[...] Abasiguzi b'indimi ntibamye bemewe, ntanubwo bari biteze kubaho ubuzima bwiza mu vyo bakora, gupfupfahaza gusa. Abantu bake cane nibo bari barakurikiranye inyigisho z'abasobanuzi b'indimi, ariko benshi bari bafise ubumenyi bukwiye bwo muri kaminuza ndetse n'ubw'indimi, cane cane ururimi kavukire rwabo. Nari mfise umugenzi yari muri uwo mugwi hanyuma mbandanya kuronka benshi b'abagenzi harimwo abasiguzi b'indimi. Nasanze ari abantu badasanzwe, ndetse nsanga barafise ibitari bike baciyemwo dusangiye. Ntivyigeze bingora kugira abagenzi, ariko ico gihe tumenyana niyumva "ukuntu kudasanzwe" kandi ndazi neza ko nabo nyene kwari uko. Igihe umugenzi wanje akukuruka, yansabiye ko nomusubirira. Ndaheza ninjira mu bijanye n’ubwishingizi, igisata ntari menyere namba. Ikindi ni jewe musobanuzi jenyene nari muri iryo shirahamwe, bigatuma ntagira n’uwo nitura igihe hari ibingoye. Nyamara, kuba jenyene navyo nyene vyaramfashije gushika ku kintu kidasanzwe.

Nkishika kuri ako kazi gashasha, natanguye kuraba inyandiko zimwe na zimwe, mbaza ibibazo ndanasaba ishirahamwe ryanje ko rindihira inyigisho mu gisata c’ubwishingizi. Kaminuza yigisha ivy’ubwishingizi yari hakurya y’ibarabara, ndaheza ndasoma ibijanye n’amategeko agenga amasanganya y’umuriro, amategeko ajanye n’ubwishingizi hamwe n’inyandiko zivuga ku kuzimya imiriro y’ivyaduka mw’isomero ry’ibitabu ry’iyo kaminuza. Nariko niga ibintu ntari narigeze mpura navyo mu buzima: ubushakashatsi. Ubwambere nshira mu rundi rurimi ubushakashatsi bujanye n’ubwishingizi bw’ihinguriro ritunganya ivya “nikereyeri”, nahamagawe n’uwurongoye ico gisata, ankeza ku kazi nari nakoze. Yambwiye ati: “Bikoze neza gusumba ibindi twari dusanzwe tubona”. Mbega ikintu canteye intege! Uko vyagenze naravye ivyanditswe mu gisata gisusa n’ico nariko ndakorerako kugira bimpe iciyumviro, ariko maze kubona ko uwo nasubiriye yari yakoresheje ijambo “nucleus” ha kugira “core”, naciye mbona ko izo nyandiko ataco zari kumfasha. Naciye nja hamwe hakurya y’ibarabara muri ya nzu yo gusomeramwo ibitabu ndaheza ndondera insiguro y’amajambo “nuclear plants”. Ubwo nyene naciye mbona amajambo yose nari nkeneye.

Mu vy’ukuri bisaba ikiguzi kidasanzwe kugira umuntu abe umusiguzi w’indimi mwiza muri iki gihe, [...]

[...] Abasobanuzi ntibaronse icubahiro, ntibari biteze kuronka uburyo bwo kubaho, gusa bararonka ivyo bakeneye. Abantu bake cane ni bo bari barigishijwe mu vy'ukuri kuba abasobanuzi, mugabo benshi muri bo bari barize amashure ahanitse kandi bari bazi neza indimi, n'imiburiburi ururimi rwabo kavukire. Nari mfise umugenzi umwe yari muri ico gisata nyene, maze umugwi w'abagenzi banje uraguka ushiramwo n'abandi basobanuzi. Nabonye ko ari abantu bashimishije kuruta, kandi nasanze kenshi twagize ibintu bimwe duhurirako mu buzima. Sinigeze ngira ingorane yo kuronka abagenzi, ariko namye numva ko ndi "uwutandukanye n'abandi" kandi ndazi neza ko na bo nyene biyumva gutyo. Igihe umugenzi wanje yaja mu karuhuko k'izabukuru, yaransavye ko noja mu kibanza ciwe. Ubu nari ninjiye mu karere k'ubwishingizi, nkaba nta na kimwe nari nzi. Ni jewe jenyene nari umusobanuzi aho hantu, kandi nta vyinshi nari mfise noshobora kwifashisha. Ariko rero, vyari ibindi bindi....

Ku kazi gashasha naronse, naratanguye gusuzuma impapuro z'akazi, kubaza ibibazo, maze ndahimiriza iryo shirahamwe ngo rinyandikishe mu vyigwa bijanye n’ubwishingizi. Ishure kaminuza ry'ivy'ubwishingizi ryari hakurya y'ibarabara, kandi narasuzumye amategeko agenga ivy'umuriro, impapuro z'ubwishingizi be n'ibitabu vy'ibikoresho vyo kuzimya umuriro vyari mu bubiko bwabo bw'ibitabu. Nariko ndiga ikintu ntari bwigere ndonka agateka ko gukora: kugira ubushakashatsi. Igihe nabwirizwa ubwa mbere gusobanura igitabu cerekeye ubwishingizi bw'ikigo gikora ivy'inguvu ruhonyanganda, umukuru w'ico gisata yarampamagaye, arankeza ku bw'igikorwa nari nakoze. Yavuze ati: "Ni vyiza cane ugereranije n'ivyo dusanzwe tumenyereye". Ese ukuntu yari umuntu w'intwari! Ivyabaye ni uko narondeye inyandiko yo muri ayo madosiye isa n'iyo nariko ndakorerako kugira ndonke ubuyobozi, ariko igihe nabona ko uwambanjirije yari yakoresheje ijambo "nucleus" aho gukoresha "core", naciye ntahura ko ayo madosiye ata co yari kumfasha. Naragiye kw'isomero riri hakurya y'ibarabara maze ndaraba mu gitabu cacu ko hariho "ihinguriro ry’inguvu z'ubumara". Naciye ubwo nyene ndonka amajambo yose nari nkeneye.

Birumvikana ko muri iki gihe bisaba ibirenze ivyo kugira ngo umuntu abe umusobanuziuzi mwiza. [...]

[...] Abahindura indimi mu zindi ntibigeze bahabwa ikibanza kibereye ngo bemerwe mu buryo buboneka koko, kuko ntibigeze bagira ivyizigiro vyo kubaho uretse ubuzima bwo guhendahenda. Naho hari abakurikiranye inyigisho ku rugero rwa kaminuza bafise ubumenyi buhanitse, bazi indimi nyinshi kandi bazi kuzivuga ndetse harimwo ururimi kavukire, igitigiri c'abakurikiranye inyigisho zo guhindura indimi mu zindi cari ku rugero rwo hasi cane. Muri uwo murwi wabo, harimwo umugenzi wanje hanyuma bipfuza kuwagura mu kwinjiza abandi bakozi mu vyo guhindura indimi mu zindi. Maze kubashikamwo, nasanze ari abantu b'abagwaneza kandi nza gusanga hari ivyo duhuriyeko ku bijanye n'ubuzima twagiye turabamwo. Ku kibazo co kurndera abagenzi nta ntambamyi nimwe nigeze ngira ariko imisi yose nama ndondera kugira "ico ntandukaniyeko n'abandi" kandi ndazi ko nabo nyene niko bavyiyumvira. Aho uwo mugenzi wanje yaj mu karuhuko k'izabukuru, yaciye asaba ndetse aranshingira intahe, yipfuza ko ari jewe nomusubirira mu kibanza. Ubu rero ngaho ninjiye gukorera mu bijanye no gukinga no kuziganiriza impanuka vyari bishasha kuri jewe kandi ntawundi muntu ahindura indimi mu zindi bari bafise. Nta yandi mahitamwo nari mfise. Ariko, kuri jewe yari iyindi ntambwe y'ubuzima...

Maze gushika muri ako kazi gashasha, nataguye gusuma urusaku mu mpapuro n'ibitabu bitandukanye nongera mbaza ibibazo aho ntasobanukirwa nca nsaba ishirahamwe nkorera kunshira mu bakurikirana ivyigwa bijanye no gukinga impanuka hamwe no kwitegekaniganiriza. Ico gihe nama nagiye kw'ishure ryigisha ivy'ugukinga impanuka n'ukwitegekaniriza ryari hirya y'ibarabara, nkaja mw'isomero ry'ibitabu ryaho, nkasoma amategeko ajanye n'ivy'imiriro, amategeko agenga ukwitegekaniriza, ibitabu vyerekana ingene kizimyamoto ikora. Aho nariko ndiga ivyo ntigeze na rimwe ngira ibakwe ryo kwiga mbere y'uko ndahinjira. Aho ndavuga ubushakashatsi.Umusi mpindura ku ncuro yambere integuro y'itegeko rijanye n'ugukinga impanuka hamwe no kuzitegekaniriza mu mugambi wo gushina ihinguriro rijanye n'ivya nikreyeri, nakiriye ubutumwa bw'umuyobozi wo ku rwego rwo hejuru muri ico gisata cacu anshimira ku gikorwa nari nakoze. Yavuze muri aya majambo: "Mu vy'ukuri twihweje ibi biratandukanye n'ivyo twahora dukora". Mbega ni irihe tandukaniro? Icabaye n'uko mu gihe ndakora nisunga ivyo uwo nasubiriye yagiye arakora nsanga yakoresheje amajambo agenda arayitiranya naciye mbona ko ivyo yakoze ataco vyari kumfasha. Nico gituma naca ngenda mw'isomero ry'ibitabu kurondera ayo majambo yose yagenda aritiranya, gurtyo nkabona kuronka amajambo yose nkeneye kugira igikorwa kigende neza.

Muri iyi misi, kukaba nkako, kugira umuntu ashobore guhindura indimi mu zindi birasaba kwitanga ku rugero rudasanzwe. [...]